The Homes + Charades na Run Rum (21/6/2008)
Matachin (24-Xuño-2008)
Despois de unha xornada agotadora dirixímonos o sábado á Run Rum para ver en concerto a vellos coñecidos e descubrir un directo que xa prometía antes de asistir.
De primeiro plato os coñecidos, non sei cantos concerto levamos de The Homens pero poucos non son, e sempre nos gustan. Desta vez, quizais porque viñan outros detrás soaron mais urxentes empatando unha canción con outra e nós bailamos moito e pasámolo moi ben, porque sempre o facemos.
De segundo prato Charades, que presentaban un dos meus discos favoritos do ano e o seu directo non defraudou nadiña: as súas harmonías vocais quedaron perfectas en vivo e de regalo cunha batería que soaba moi potente gañaron en intensidade.
Despois do concerto leveime o seu disco en vinilo e agora mesmo está a sonar no meu tocadiscos. Tamén a destacar que no disco ven un código para poder baixarse o disco dende BCore a 192 kbps, vinilo + mp3: o combo do século XXI.
PD: Logo houbo tempo para dar unha volta e troulear por Ferrol, por certo Xocas ¿como se chamaba o grupo de hardcore que lle recomendaches a jans_topo?
Categorías: Concertos | 1 Comentario »