De volta do Artículo 20
Matachin (10-Decembro-2008)
AWESOME! Aínda me doen as pernas do concerto de Electric Six o domingo no Artículo 20 en Avilés (e as seis horas de tren non axudan moito) pero valeu a pena todo con tal de ver a Dick Valentine en acción.
Apoteósica a súa saída ao escenario cunha capa o soar a primeiras notas de Flashy Man e mais apoteósica cando para It’s Showtime sacou esa capa e tiña ¡outra debaixo! e os poucos GAY BAR!! e non paramos de bailar en todo o tempo.
Logo do Gay Bar veu o tema da comunicación; Dick intentou conversar co público e deuse de conta de que o 95% non tiña nin papa do que estaba a falar asi que empezou a sorir á xente con cara de estupefacción e cambiou as conversas para dedicarlle ao público todo o castelán que sabía. A saber: “Soy jugador de baloncesto” e “Viva la guerra mundial 3″
Ante a imposibilidade de relacionarse co público dedicouse a cantar e moverse polo escenario co seu personalísimo estilo, mesmo facendo unhas flexións para amosar o seu poderío: resultado un dos meus concertos do ano.
Categorías: Concertos | 2 Comentarios »