Matachin (3-Xullo-2006)
Sempre me gustou todo o que fai Nacho Vigalondo, incluso as cousas que non fixo, e mostra de eso e Café Hervido, Café Jodido unha idea para unha serie de pequenas episodios de tres minutos e medio que escribiu e que intentou vender á MTV, á Paramount Comedy e outras cadeas sen éxito.
E como a televisión en este pais non estaba preparada para algo así, agora saen á luz os sete primeiros capítulos que xa tiña escrito. Unha lectura moi recomendable chea de humor negro, escatolóxico e sádico; nada que ver co que se estila no prime time familiar.
Categorías: TV | Sen comentarios »
Matachin (2-Xullo-2006)
Onte empezaron as emisións de Radio Taraská o programa en formato podcast (en vez de ser pola radio, pódese descargar de internet e escoitarse no momento que se quera) conducido por Langui de La Excepción que estará dispoñible todos os sábados dende a súa páxina web.
No programa colaboran La Dako Style (dj de La Excepción) ou Rellenito Mackeinjan, e no primeiro programa poidemos escoitar tema de Average White Band, Los Delinqüentes, Onyx ou Cypress Hill. Amén dun tema de La Excepción.
A ver se eles non teñen problemas coa $GAE, que últimamente estanse a poñer un pouco tensos co tema internet.
E xa que falamos de hip-hop podedes descargar a Griffi e DJ 2d2 no Sonar 2006, Chacho Brodas en acción ou o que é o mesmo, o escalón máis alto dos DJs patrios.
Categorías: Internet, Música | Sen comentarios »
Matachin (30-Xuño-2006)
Entérome vía Chuza! de que un dos míticos de Santiago D.C. (que digo, de toda Galiza) servirá o seu último porrón en setembro.
E é que O porrón pecha as súas portas despois de 70 anos debido a un longo proceso xudicial polo estado do edificio. A vivenda, de catro plantas, estaba deshabitada e apuntalada e aínda que a planta baixa que aloxa a tasca non estaba en malas condicións pechará as súas portas previsiblemente a finais do verán.
Dende a taberna apoiamos as vellas tabernas que desafían a tiranía das cafeterías de moda, coas súas mesas de cristal, ambiente distinguido e os 40 latino na televisión.
Aguantade un pouco, aínda quedamos nós por tomar a penúltima.
Categorías: Bares | Sen comentarios »
Matachin (30-Xuño-2006)
Ampliando a oferta musical do fin de semana, tedes un concerto interesante na Coruña. O precio de cinco euros poderemos disfrutar do power-pop vitaminado e supermineralizado de The Homens e o rock&roll de Samesugas na Mardi Gras, no penúltimo concerto que dará a sala coruñesa.
Aínda que a noticia mais importante sexa que pode que esta sexa a primeira vez que poida ver en directo un grupo que tanto disfrutei en mp3. ¿Existirán de verdade? ¿mostran outra cara ó público como La Casa Azul? ¿serán Gorillaz? a posible resposta esta fin de semana.
Categorías: Concertos | Sen comentarios »
Matachin (28-Xuño-2006)
O Fervesteiro e un festival autoxestionado e sen ánimo de lucro que se creou hai tres anos no barrio ferrolán de Esteiro como xeito de completar unha pobre escena cultural e como medio para que bandas locais teñan unha ocasión de mostrar que a comarca non está tan morta como parece.
Os concertos celebraranse este fin de semana con maioría de cartel local e dúas bandas de ska de Vigo e Madrid para completar a festa do sábado. O cartel queda asi:
Venres, 30 Xuño
- T- crack (funky- reagge dende Narón)
- La Sentina (rock urbano dende Narón)
- The sweet (Funky dende ferrol)
Sábado, 1 Xullo:
Ó remate de cada día pincharase variada para continuar un pouco máis a festa. Tamén habera actuacións teatrais, maxia, percusión, malabares, roteiros de memoria histórica polo barrio de Esteiro, festa, debate e loita.
Así que se aínda non tíñades plan xa tendes rock, funk, hip-hop e ska para bailar esta fin de semana.
Categorías: Concertos | Sen comentarios »
Matachin (23-Xuño-2006)
Hoxe é a noite de San Xoán e non tedes escusas para quedarvos en casa por non ter plan.
En Doniños a xente da Fonográfica General organizan La noche más corta a súa oitava festa oficial que contará coas actuacións de Boy Elliott, FranciscoNixon, Los Huéspedes Felices, Gardenia e Fuckin´ Funky. Unha vez rematados os concertos continuará a música ata que saia o sol e seredes obsequiados cos típicos presentes de LFG (singles, pegatas, …).
En Vigo terán a actuación de Morodo, na Coruña a típica aglomeración en Riazor, etc … toda Galicia arderá esta noita para purificar e rexenerar enerxías.
Pola miña parte, aínda que tamén me gustaría asistir a calquera destas festas desculpenme pero a miña presencia foi requerida para unha exclusiva festa de cumpreanos. Páseno ben, eu dende logo penso facer todo o posible para disfrutar a noite máis corta do ano.
Categorías: Concertos | Sen comentarios »
Matachin (22-Xuño-2006)
Para facer que os aficionados á música pasen un mellor verán as discográficas independentes lanzan ofertas de verán baixando os prezos de parte do seu catalogo podendo encontran xoias incluso a 1 e 2 euros. Leer o resto da noticia »
Categorías: Música | Sen comentarios »
