Tablón de Anuncios
Matachin (2-Febreiro-2006)
Para aqueles que gustedes do hip-hop (os que non podedes pasar) tedes unha nova referencia do vigues El Puto Coke, e para esta ocasión decantase por distribuílo libremente pola rede xa que podedes escoitalo ou descargalo directamente dende a páxina oficial de El Puto Coke
Non esperedes unha maqueta cutre, trátase dun disco ben rematado con producións de xente tan reputada como Dive Divosso, Juan Profundo ou o tamén vigués Roty 340 entre outros, ou a colaboración da Puta Opepé en outro corte.
Nestes tempos de crise aínda xeitos de que a xente acceda á tua obra sen pasar por intermediarios, e é unha opción tan válida como outra.
Categorías: mp3 | Sen comentarios »
Matachin (29-Xaneiro-2006)
En dous días consecutivos recibin dous correos de dúas persoas sen relación algunha na me advertían encarecidamente que non abrira un correo que puxera Invitación porque contiña un virus catalogado perigosísimo por Microsoft e a CNN, que borraría o meu disco duro e bla, bla, bla, …
Estou un poco farto de ese tipo de correos, porque, se non caíchedes na conta: son falsos. Este tipo de correos son os denominados hoax e son algo así coma o Vai desaparecer España do universo virtual.
Se algunha vez recibides un correo polo estilo ou calquera outro que vos invite a envialo a cantas máis persoas mellor borrádeo, e se tedes a impresión de que podería ser verdadeiro e que é mellor reenviar, facer unha boa obra e arriscarse: Copiade o correo (ou un párrafo deste) e buscadeo en google e veredes como aparece a páxina co texto integro da mensaxe e a explicación do engano.
Para máis información botade unha ollada en Rompecadenas onde atoparedes moita información sobre hoaxes, spam e como evitálos con como
E xa postos outra petición: os arquivos de Powerpoint de máis de un mega non son graciosos, e os de menos … tampouco.
Categorías: Internet | Sen comentarios »
Jans_topo (27-Xaneiro-2006)
Día tras día a cadea de televisión Cuatro está dando novos motivos para terminar converténdose na cadea do amor… Oín críticas dicindo que non fan máis que poñer cousas vellas e rancias. E sí creo que, en parte, é certo. Pero, aínda que nunca fun moi amigo dos movementos melancólico-revivalistas, cando se fan con productos interesantes e de calidade, a reposición está máis que xustificada.
Como é o caso do estreo de este sábado 28 de enero: Humor Amarillo!!! Tódolos fines de semana ás 14:20. Ó parecer a doblaxe non é a mesma que cando o puxeron en tele5, pero os tipos que o volveron a facer intentaron ser respetuosos con aquela versión. A emisión dos 100 episodios farase en orden cronolóxico tal e como se emitiron en Xapón e veranse cousas que non se viron na emisión daquí no seu momento. Beat Takeshi!
Por certo, para demostrar que non todo en Cuatro son vellouqueríos, fálase de que en breve Cuatro vai a estrear Samurai Champloo. A nova serie de Shinichiro “Cowboy Beebop” Watanabe, na que cambiamos ciencia-ficción por samurais e jazz por hip-hop nunha serie tanto ou máis cool que aquela.
Ah! e se sodes dos que odíades á xente, deberíades ver House, en emisión desde este martes pasado, e non perder un só dos desplantes do doutor Gregory House.
Categorías: TV | Sen comentarios »
Matachin (26-Xaneiro-2006)
O fin de semana volve a música en directo a Fene. Este vernes en A Tola actuarán os Fabulosos Cubatas de Focking Brothers co seu show de música e humor, reinventando éxitos coñecidos a través da súa peculiar óptica. Diversión asegurada.
IMPORTANTE: Fagades o que fagades, non lles recordedes que moitas das cancións que interpretan son dos Petersellers. Pode que non entendan a broma.
Categorías: Concertos, Fene | 2 Comentarios »
Matachin (23-Xaneiro-2006)
Hoxe empeza un novo programa de música na segunda cadena de TVE. Dirixido por Jesús Ordovas, iPOP, pretende ser un programa de música con mayúscula, en directo, de calidad y hecha en el plató de TVE.
Xa están confirmadas a presencia de xente coma Corazón, Clovis, Garzón, Glamour to kill, Nosoträsh, Refree, Dorian, Nancys rubias, Da, Second, Sidonie ou FMM. E como no Diario Pop de Ordovás tamén haberá sitio para grupos que aínda non teñen nada editado.
Para o debut, reportaxe sobre o Refuxio antiaéreo e actuación en vivo de Los Planetas, que tocarán dúas cancións do seu próximo disco e Amaral
Moita sorte, que unha cadena publica non pode reducir a sua presencia musical a Mira Quien Baila.
Categorías: Música, TV | Sen comentarios »
Matachin (30-Decembro-2005)
Aínda queda pasar este fin de semana de festa pero xa hai que pensar no próximo. Volve o Felipop en forma de Felipop de inverno. Os concertos celebraranse entre Casa Ardá e o Carteles en Ferrol. O xoves será en electrico e o resto dos dias serán concertos acústicos. O cartel queda como segue:
Xoves, 5 de Xaneiro. Casa Ardá. 22:30.
- Bang 74
- Los Huéspedes Felices
Venres, 6 de Xaneiro. Casa Ardá. 22:30.
- Andy Morten (Bronco Bullfrog)
- Los Remeros Garajeros (Ángel Kaplan & Powerpep)
- Colin Hare e amigos
Sábado, 7 de enero. Carteles
- Andy Morten
- Colin Hare y amigos
Despois dos concertos haberá pinchadas.
Categorías: Concertos, Fene | Sen comentarios »
Matachin (29-Decembro-2005)
Acábolle de atopar outra utilidade ó Firefox ademais das súas ventaxas sen engadirlle nada, coma o feito de bloquear popups ou facer que desaparezan os incomodos anuncios de Lycos nesta páxina sen ir moi lonxe, pode limpar ainda mais unha web.
Por medio de dúas extensións NoScript e Adblock pódese conseguir que webs como as de descarga de torrents poidan ser visitadas con menores diante, xa que combinando esas duas extensións conseguiredes eliminar toda a publicidade subida de tono.
E se non sabes de que te esou a falar a que esperas para probar o Firefox , só son 5 megas de nada…
Categorías: Informática | Sen comentarios »
