Havalina como prato forte da fin de semana

Matachin (22-Xullo-2010)

¿Queredes empezar ben a fin de semana? Pasádevos hoxe polo Lar de Picas a ver a Los Tigres del Cañotas, show asegurado con esta boy band fenesa na súa tourné anual por Ares.

¿E mañá? ¿que temos para mañá? Pois moitos incautos irán a pasar a fin de semana ás Pontes que celebra as Festas da Fraga onde mañá estarán Sidonie como cabezas de cartel no Nabiza Rock deste ano.

Outros iremos a ver en concerto a Colectio Oruga na Super 8 que traerán a Ferrol a súa electrónica apoiada en proxeccións aínda que ben que prestaba estar en Santiago na presentación do “Come On Pelegrin” pero outra vez será.

Por certo, que o venres tamén está no Jofre Enrique Morente, se queredes escoitar flamenco non podedes aspirar a algo mellor agora mesmo.

Pero pasamos ao sábado con Havalina acompañados de Julio Suárez & The Backyards na Super 8, guitarras pesadas nun dos concertos mais recomendables que pasarán por Ferrol. Estades avisados.

Categorías: Concertos, Videoclip | Sen comentarios »

Nadadora e L.A.R en Ferrol

Matachin (18-Marzo-2010)

Dous concertos me interesan para ver a fin de semana, o primeiro é o que farán na Run Rum o sábado Nadadora. Os do Grove xa gravaron o que será o seu terceiro longa duración e agora están e fase de misturas con Fino Oyonarte. Pode que poidamos ter a opción de escoitar algo do material novo.

Ademais, compartirán escenario con The Secret Society e Big City (en solitario) polo que por tal ocasión ben merece a pena achegarse.

O outro concerto que quero ver é o que darán no Manchita Cosa Pablo Seoane (piano) & L.A.R. Legido (batería) o venres co seu proxecto Lupercal e teño gañas de veos principalmente por L.A.R. Legido. Eu que son un tipo que cando vai un concerto onde toca Loza (con Sex Museum, Los Coronas, Deluxe, etc) principalmente atendo ao que el fai ou que cando vin a Nueva Vulcano flipei con Albert Guardia o de volver a ver ao batería de Sumrrá en acción préstame bastante. A ver se alguén se apunta a un concerto de free jazz (xa veremos)

Tamén andan por Galicia Sidonie, Extraperlo e algún mais. Fagades o que fagades pasádeo ben

Categorías: Concertos | 1 Comentario »

Nongratos – Nada d’ nada

Matachin (4-Febreiro-2010)

Nongratos son de Ferrol pero agora residen en Vigo, despois de un primeiro EP mais próximo ao hip hop con colaboración de Sr. Zambrana lanzan agora La ciudad está muerta que avanza cara a electrónica.

Podes descargar o disco den a web de Nongratos.

Categorías: Videoclip, mp3 | Sen comentarios »

Concertos nas festas de Ferrol e Coruña

Matachin (27-Agosto-2009)

Dende hoxe ate o domingo tedes música todos os días na Praza de Armas ferrolán gracias as festas de Ferrol:

• Xoves: Nena Daconte, o mais digno que saíu de Operación Triunfo pasa por Ferrol
• Venres: Som do Galpóm volve na enésima vez que os vemos en directo, e sempre nos gustan.
• Sábado: Vetusta Morla, quizais o concerto con mais tirón  (se quitamos a Melendi) ultimamente están a presentar temas novos do seu próximo disco.
• Domingo: Habitación92, Presa Fácil, ID3M e Néboa; concerto de grupos ferroláns nunha boa idea da comisión de festas para a tarde do domingo

Xa sei que as comparacións son odiosas pero este é o plan que teñen en Coruña nos xardíns Méndez Núñez:

• Xoves: Mamá Ladilla e Konflikto.
• Venres: Los Deltonos + Pachamama + Stereotipos.
• Sábado: The Orange Soap + Combo Dinamo + The Blows.

Eu por proximidade quedarei en Ferrol aínda que en condicións normais entre Nena Daconte e Mamá Ladilla…

BOLA EXTRA: Endless Summer Surf & Roll Party con The Kanaloas e Los Válvulas, remate do verán con estilo.

Categorías: Concertos | Sen comentarios »

Pimpines & Perrechas

Matachin (2-Xuño-2009)

Conversación de un venres pola noite:

- Perdoa, ¿eres vil?
- ¿Perdón?
- ¿Pimpines y Perrechas?
- ¿?
- ¿Estas no focoforo?
- Si eso si.
- E que hai un usuario que se chama Vil e fixo un disco acojonante.

Despois de aclararlle o equívoco anotei mentalmente revisitar o focoforo na busca de este post no que Vil, ferrolano e parte do dúo Megaloves presentaba  seu disco como The Two Halfs que abre co seu hit Pimpines y Perrechas e outros exercicios de piano de vaudeville (Caca-Cola, La sonrisa del Payaso, Te Quieren), ukelele (El asesino del pueblo) e letras delirantes.

Suponse que todo parte da idea de facer una canción ao día durante vinte días para despois gravalas cun pouco mais de tempo.

O resultado por momentos soa a La Banda Sin Nombre pero en plan midi.

Se o escoitades sen prexuízos seguro que sacades algo de proveito.

Categorías: mp3 | 1 Comentario »