O concerto mais interesante da fin de semana é o Kase.O Jazz Magnetism na Capitol este venres, as mellores letras do hip-hop español sobre unha banda de jazz que ademais dos éxitos de VdV e deixan caer algún clásico do jazz polo medio. Moi recomendable.
E pola comarca pouco no que elixir supoño que o mais interesante é mais hip-hop con Aíd na Run Rum, unha moza de Vigo moi nova cun son moi fresco (síntoo tiña de dicilo) e que se acabamos a festa en casa a unha hora decente poderíamos achegarnos.
Aínda que estamos a xoves e non sei que faremos na fin de semana.
Non sabía quenes eran Fingathing (unha banda de jazz/hip-hop composta por un baixista e un DJ que sacan discos en Ninja Tune) nin que o seu baixista Sneaky prepara material para un disco en solitario do que xa sacou un EP a principios de ano.
Pero gracias ao blog de Serie B, a única revista musical que leo, xa teño dous novos artistas para seguirlles a pista.
HipHop Official é un video podcast que sigo a través de Miro no que amosan o que se está cociñando no mundo do hip-hop alá nos EEUU, con pequenos vídeos con entrevistas, noticias, etc..
No programa do outro día entrevistaban a Large Professor, un dos fabricantes de ritmos mais míticos da historia. A entrevista interesoume moito pero aínda que non teñades nin papa de inglés pode que como a mín vos chame a atención a chaqueta do entrevistador.
As píntegas estamos a voltas co noso torneo de chave no Restaurante Javier (pasádevos de 19:30 a 21:30 se queredes ver espectáculo) pero eso non quere decir que non teñamos tempo de ir a algún concerto. O problema é decidir a cal ir.
Onte xa fumos ver a Julian Ross a Pontedeume (cun 85% na escala de Ferreirismo) pero cara a fin de semana a cosa complícase sobre todo o venres.
O que nun principio sería unha aposta segura é o Lolapop en Ponte Caldelas: Niño y Pistola, Lori Meyers, ver por primeira vez a Manos de Topo y un final vitamínico con Delorean sería o idóneo para o vernes pero problemas de horarios complican a cousa aínda que así e todo dúas píntegas estarán representando a taberna.
Os que quedamos en Fene tamén temos opcións, por exemplo ir á nosa praza do concello e ver o concerto que organiza Europa FM de presentación da nova tempada co concerto de Phantom Club, un dillei e agasallos pra todo o mundo. O grupo formado en Galicia pero con xente de varios paises fai un funk rock moi bo e teñen táboas, polo que é unha a posta moi a apetecible e de seguro que algunha das píntegas pasará o venres en Fene pero eu teño outra cousa en mente.
Porque se no 1997 tiñas 16 anos, sempre te interesou o hip-hop e de súpeto flipáches escoitando no Diario Pop de Ordovás unha canción que se chamaba Con esos ojitos, seguro que te apetece ir o venres o Reina Sofía de Ferrol e ver en directo a 7 Notas 7 Colores antes de que saquen novo material discográfico outra vez baixo ese nome e de agasallo Imperio Norte (que non son outros que Puto Coke e Mundo de Dealema).
O sábado Deluxe e Narf no Reina Sofía, aínda que tamén podedes asistir o A Todo Filispín que este ano quedou fora do programa das festas e celébrase na Run Rum e que contara cos Samesugas, Rockers Go To Hell e unha banda de músicos ferrolanos que tocarán versións do pop/rock español.
Aínda que antes que todo eso podedes ir a Sillobre e ver a nova sensación do freak punk: Membrillo Fanegas.
Vos elixides, logo non digádes que non vos enteráchedes que había concerto.
Hoxe é o turno de Duo Kie, o gran tapado do hip-hop español. Respetados por toda a escena pero pouco coñecidos para o público en xeral, e é que a pesar da súa calidade voan por debaixo do radar. Quizais axude a comprender a súa historia o feito de que todas as discográficas cos que sacaron disco pecharon.
Comentarios